Ապրիլ 15, 2025
Ս.թ. ապրիլի 21-ին, ժամը՝ 10:00-13:00, ՔԵՆԴԼ ՍՀԻ-ում տեղի կունենա միջոցառում՝ նվիրված ինստիտուտի նախկին աշխատակից՝ դոկտոր, պրոֆեսոր Էդմոն Դավթի Գազազյանի հիշատակին:
Էդմոն Գազազյանը ծնվել է 1936թ. ապրիլի 21-ին: 1959թ. ավարտել է Երևանի պետական համալսարանի ֆիզիկայի ֆակուլտետը, իսկ 1964թ. Մոսկվայում ստացել ֆիզմաթ գիտությունների թեկնածուի աստիճան: 1990թ. Խարկովի պետական համալսարանում ստացել է գիտությունների դոկտորի աստիճան:
1985թ. արժանացել է Հայաստանի պետական մրցանակի:
Երկար տարիներ պրոֆեսորն աշխատել է Երևանի ֆիզիկայի ինստիտուտում: Գիտական գործունեությանը զուգահեռ՝ նա դասավանդել է նաև Երևանի պետական համալսարանում` իր փորձն ու գիտելիքը ջանասիրաբար հաղորդելով նոր սերնդին:
Միանալով ՔԵՆԴԼ ՍՀԻ-ի թիմին՝ պրոֆեսորը վայելել է իր գործընկերների սերն ու հարգանքը:
Գիտության նվիրյալն իր երկարամյա գիտամանկավարժական գործունեության ընթացքում հրապարակել է բազմաթիվ հոդվածներ, գրքեր: