«ՔԵՆԴԼ» սինքրոտրոնային հետազոտությունների ինստիտուտը խրախուսում է հիմնարար և կիրառական գիտությունների տարբեր ոլորտների գիտնականների և գիտական խմբերի (ֆիզիկա, կենսաբանություն, քիմիա, կյանքի, բնապահպանական գիտություններ, նյութագիտություն, արագացուցչային գիտություն և տեխնոլոգիա, բիո- և նանոտեխնոլոգիաներ) հանդես գալ փորձարարական հետազոտությունների հայտերով, որոնք կիրականացվեն «ՔԵՆԴԼ» ՍՀԻ սարքավորումներով:
«ԱՐԵԱԼ» արագացուցիչ Մանրադիտակի կայան Միկրոմշակման կայան
Փորձարարական կենսաբ. լաբ. Նորագույն նյութերի և միկրոսարքերի լաբ. Սկանավորող էլեկ․ մանրադիտակ
Ներկայացված հայտերը գնահատվելու են յուրաքանչյուր ամսվա վերջում: Հայտը չպետք է գերազանցի A4 ձևաչափի մեկ էջը՝ ներկայացնելով նախատեսված փորձարարական հետազոտության սեղմագիրը: Հավանության արժանացած հայտերը կընդգրկվեն վերոնշյալ սարքավորումներով իրականացվող հետազոտական աշխատանքներում:
Հետաքրքրված անձիք հետազոտության սարքավորումների և վերջին շրջանի ձեռքբերումների մասին հավելյալ տեղեկատվություն կարող են ստանալ կայքում տեղ գտած սարքավորումների մանրամասն նկարագրությունից, կամ կապ հաստատելով «ՔԵՆԴԼ» ՍՀԻ գիտնականների հետ:
Հայտը ներկայացնելու համար խնդրում ենք լրացնել հայտաձևը, կամ էլ. փոստով մեկ էջի սահմաններում համապատասխան հայտի PDF տարբերակը ուղարկել info@asls.candle.am հասցեին:
Հայտի ներկայացում