Ապրիլ 2, 2025
«Ցածր չափաբաժնով ճառագայթման ռիսկեր. ներկա հետազոտություն և ապագա հեռանկարներ» առաջատար հետազոտությունների աշխատաժողովը ՆԱՏՕ-ի (Հյուսիսատլանտյան պայմանագրի կազմակերպություն) հովանավորությամբ անցկացվող սեմինար է, որը կազմակերպվել է ՄակՄաստերի համալսարանի (Կանադա) և ՀՀ ԳԱԱ Մոլեկուլային կենսաբանության ինստիտուտի կողմից: Այն բացառիկ հնարավորություն է ծանոթանալու ռադիոլոգիայի, էկոտոքսիկոլոգիայի, բիոմարկերների մշակման, ճառագայթային պաշտպանության ոլորտներում նոր հայտնագործություններին, ինչպես նաև իրականացնելու փորձի փոխանակում:
Ապրիլի 1-ին ՔԵՆԴԼ ՍՀԻ-ն հյուրընկալել էր աշխատաժողովի մասնակիցներին: Պատվիրակությունը գլխավորում էր կ.գ.դ. Արսեն Առաքելյանը (ՀՀ ԳԱԱ Մոլեկուլային կենսաբանության ինստիտուտի տնօրեն) և ներառում էր ՆԱՏՕ-ի անդամ տարբեր երկրների առանցքային ներկայացուցիչներ։
Այցի ընթացքում պատվիրակությունը շրջայց կատարեց ինստիտուտում, որտեղ նրանք հնարավորություն ունեցան դիտարկելու ՔԵՆԴԼ ՍՀԻ-ի լաբորատորիաները, ԱՐԵԱԼ և ԴԵԼՏԱ փորձարարական կայանները, որտեղ կենտրոնացած են հիմնական աշխատանքները։ Ինստիտուտի տնօրենը մանրամասն ներկայացրեց ինստիտուտի ընթացիկ գիտահետազոտական ծրագրերը՝ շեշտադրելով միջազգային համագործակցությունը: