Հուլիս 8, 2026
«ՔԵՆԴԼ» Սինքրոտրոնային հետազոտությունների ինստիտուտում կայացավ «Մխիթար Սեբաստացի» կրթահամալիրի 10-րդ դասարանի աշակերտ Դավիթ Մկրտչյանի հետազոտական աշխատանքի պաշտպանությունը։
Հետազոտական աշխատանքը ժամանակակից կրթական գործընթացի կարևոր բաղադրիչներից է, որը նպաստում է սովորողների հետազոտական մտածողության, գիտական վերլուծության և քննադատական մոտեցումների զարգացմանը։ Այն հնարավորություն է տալիս ինքնուրույն ուսումնասիրել ընտրված թեման, ձևակերպել հետազոտական խնդիրներ և հարցադրումներ, կիրառել համապատասխան մեթոդներ, վերլուծել ստացված արդյունքները և հիմնավորել եզրակացությունները։
Պաշտպանությունն ուղեկցվեց մասնագիտական ակտիվ քննարկմամբ։ Ինստիտուտի մասնագետները ներկայացրեցին հարցադրումներ, դիտարկումներ և առաջարկություններ՝ ուղղված աշխատանքի գիտական հիմնավորվածության ամրապնդմանը, թեմայի առավել խորքային ուսումնասիրությանը և հետագա հետազոտական աշխատանքի հնարավոր զարգացման ուղղությունների բացահայտմանը։